Showing posts with label கிறுக்கல்கள். Show all posts
Showing posts with label கிறுக்கல்கள். Show all posts

Friday, November 4, 2016

தேவதை

தொட்டிலிட்ட குழந்தை
தாயின் தாலாட்டுக்காக
தூக்கத்திலும் விழித்து பார்ப்பது
போலவே உன் வருகைக்காய்
காத்து கிடக்குது மனது

Wednesday, September 14, 2016

தேவதை



தலை
கோதும் இரவுகளுக்கு
உறவாய் வந்த #தேவதை அவள்

சிலிர்ப்பு

மயிலறகாய்
மனதுக்குள் நுழைந்து
மத்தாப்பாய் சிரிக்க வைப்பவள்
சில நேரம் சிலிர்க்கவும் ...
.

Thursday, June 9, 2016

நீ


என் எழுத்துகளை
எனக்கே அறிமுகம் செய்தவள் நீ
.
காணல் காட்டில்
நீருற்றாய் வந்தவள் 
நீ
.
உறைந்து கிடந்த
உவப்பற்றவைகளுக்கு உயிரூட்டி
உட் கொண்டவள் நீ
.
செரிக்கும் முன்
அத்தனையையும் மரிக்க செய்தவள் நீ
.
சுமைகளை
குறைத்து என்னை இறகாக்கியவள் நீ
.
தாயாய் 
முந்தானை தந்தவள் நீ
.
தந்தையாய்
கற்று தந்தவள் நீ
.
சகோதரணாய், சகோதரியாய்
பாதுக்காத்தவள் நீ
.
தோழனாய், தோழியாய்
அன்பை தந்தவள் நீ
.
எல்லாமுமாய் தான் இருக்கிறாய்
.
கடந்து
விட்ட குழந்தை தன்மையை 
மீட்டி கொண்டவள் நீ
.
எனக்குமே காட்டி தந்தவள் நீ
.
இன்னும் 
எத்தனையோ இருக்கு சொல்ல
வார்த்தைகள் கோர்த்துகொள்ளும் மெல்ல ...

.
#கிறுக்கல்கள்
---------------------------------------------------------------------------------------------

Sunday, May 13, 2012

அம்மா நீயும் போ போ





பெண்ணாய் இருந்த
என்னை
"தாய்" என்ற‌
பதவி உயர்வு
கொடுத்தாய்
அன்று

"தாயாக" இருந்த‌
நான்
உன் மனைவிக்கு
"மாமியார்" ஆனவுடன்
"அநாதை" இல்லத்தின்
"குழந்தை"யாக்கிவிட்டாய்

உன் குழுந்தை
அதன் "தாய்" தினம்
கொண்டாடும்
இன்றேனும்
என்னை நினைவு வருமா உனக்கு ...

Thursday, December 8, 2011

என்னுள்ளே இருக்கும் அவள்



என்
சேலை கூட
சோலையானது

உன் புன்னகை
கண்டு

என் சேலை
பூக்களும்
பூக்கின்றன

...

Thursday, September 29, 2011

மெளனம் ...


தமிழ்
பிரச்சனையில்லை
ஆங்கிலம்
நோ ப்ராப்ளம்
மலையாளம்
குழப்பமில்லா
உர்தூ/ஹிந்தி
பர்வா நெய்
அரபி
மாஃபி முஷ்கில்
...
...
...

இப்படி எந்த மொழியில்
நீ சொன்னாலும்
"பரவாயில்லை" என்று
சொல்லிவிடுவேன் ...

மெளனம்
கொண்டு என்னை கொல்லாதே
மொழி பெயர்க்க தெரியாமல்
தவிக்கின்றேன் ...


Friday, February 18, 2011

கனவில் தோன்றிய வரிகள்




கனவில் தோன்றிய வரிகள்


-------------------------------------

சாலைகளில்

கற்களையும்

முட்களையும்

அகற்ற துவங்கினேன்

என் மகள் நடக்க துவங்கிவிட்டார்

Tuesday, October 26, 2010

தேடல்


எங்கே ’நீ’
வெட்ட வெளியில்
கொட்டும் மழையில்
காடுகள்
மலைகள்
கூகிலில்கூட தேடிவிட்டேன்
எங்கும் இல்லை ’நீ’
தேடுகிறேன் தேடுகிறேன்

முட்டாளே உள்ளே தானே இருக்கேன் ’நான்’
என்று ’நீ’ ஓசை எழுப்பும் வரை

Sunday, December 13, 2009

வாழ்க்கை


என்னவென்று உணருகையில்
உன்னை வென்று சென்றிருக்கும்
--- வாழ்க்கை

Wednesday, November 4, 2009

அழகாய் கோபப்படுகிறாய் அளவாய் கோபப்படு

நான் ரொம்ப கோபப்பட்றேனா?

 

என் கோபம் தவறா?

ஏன் எனக்கு இவ்வளவு கோபம் வருகிறது?

இப்பல்லாம் அடிக்கடி சீரியஸ் ஆகீரேனா.

 

இப்படியெல்லாம் என்னிடம் பற்பல முறை கேட்கிறாய்.

கோபம் கொள்வது தவறேயல்ல.

கோபம் என்பது ஒரு சக்தி.

ஒறு புழுவை சிறு குச்சியால் குத்தினால் அது நெளிந்து தன் எதிர்ப்பை காட்டும்.

 

வழிகள் அடைக்கபெற்ற பூனை கூட தாக்குதல் நடத்தும்.

 

செடி கொடிகளுக்குக்கூட உணர்ச்சி உண்டு.

நாம் மனிதர்கள். நம் முன்னே நடக்கும் அக்கிரமம் பார்த்து உக்கிரம் கொள்வது தவறே அல்ல.

சமுதாயத்திற்கு நல்ல செய்திகள் கொண்டு செல்லகூடிய வலிமை பெற்ற ஊடக்த்தை தன் அகத்தே கொண்டிருக்கும் சினிமா துறையில்(எல்லோரும் அல்ல) சமூகத்திற்கு நலம் சொல்லா விட்டாலும் பரவாயில்லை, பொழுதை போக்க (இப்படியே பொழுதை போக்கி கொண்டிருந்தால் எப்பொழுது வல்லரசு ஆவது) ஒரு படம் எடுத்தாலும் பரவாயில்லை.

செய்தி சொல்கிறேன் பேர்வழியென்று தனக்கு தோன்றும் (எதை வேண்டுமானலும்) ஒன்றை படம் என்று எடுத்து, கொஞ்சம் கூட பொதுநலச்சிந்தனை இல்லாமல், மனதுக்கும் சமுதாயத்திற்கும் கேடு விளைவிக்கக்கூடிய வெறும் வாய்வழிக்கூட சொல்ல லாயக்கற்ற ஒரு செய்தியை படமாக எடுத்து, மக்களின் பணத்தையும் நேரத்தையும் வீணடித்து ...

இவ்வாறாக கோபப்பட்டு கொண்டிருந்தாய். அந்த .... (சென்சார்) பயலை(இயக்குனரை) நார் நாராய் கிழிக்க வேண்டும் என்று சொன்னாய்.

பெண்னியத்தை கேவலப்படுத்திய அவனை நிக்க வச்சி சுட வேண்டும் என்று புலம்பினாய்.

இதையெல்லாம் செய்ய முடியவில்லையே என்று ஆற்றாமை தாலாமல் அழுது தீர்த்தாய்.

செல்லச்சினுங்களாய் பட்டது உன் அழுகை

அவனை ஏதாவது செய்யேண்டா என்று உரிமையோடு முறையிட்டாய்.

அடுத்த நாள் அந்த இயக்குனருக்கு கொலை மிரட்டல் என்ற செய்தி வலையில் படித்து உனை அழைத்து சொன்னேன் மிகவும் சந்தோஷமடைந்தாய்.

இப்படியாக சமுதாய்ச்சீர்கேடு எங்கு நடந்தாலும் எவ்வாறு நடந்தாலும், நீ கோபம் கொள்கிறாய். இந்த கோபம் சரிதானா என்று என்னிடம் அடிக்கடி கேட்டுக்கொள்கிறாய்.

உனக்கு நான் சொல்லவதெல்லாம் இதுதான்

கோபம் என்பது ஒரு சக்தி, கோபம் என்பது ஒரு உணர்ச்சி.

உணர்ச்சி அற்ற ஜடமாக உன்னை இருக்க சொல்லவில்லை.

சக்தி என்பது எரிபொருள் போன்றது, அதை ஆக்கத்திற்கு பயன்படுத்துவதும் அழிவுக்கு பயன்படுத்துவதும் உன் கையில் தான் உள்ளது.

பல சமயங்களில் உணர்ச்சிகளை உடன் வெளி காட்டாமல் இருப்பதுதான் உனக்கும் உன்னைச்சுற்றி இருப்பவர்களுக்கும் நல்லது.

கடைசியாக உனக்கு நான் சொல்வது

 

அழகாய் கோபப்படுகிறாய் அளவாய் கோபப்படு

Wednesday, August 19, 2009

நீயில்லாமல் நான் நீரில்லாத மீன்

புரியாத பிரியம்

பிரியும்போது புரியும்.

நீயில்லாமல் நான்

நீரில்லாத மீன்.

உன்னை பற்றி எழுதும் போதெல்லாம்

நீ இதை படித்து உன்னை பற்றிதான் நான் எழுதுகிறேன் என்பதை புரிந்து கொண்டதாய் நான் நினைத்துக்கொள்வேன்.

உன் குரல் கேட்க்காத என் தொலைபேசிகள் தொல்லைபேசிகள் ஆயின.

ஒரு குறுந்தகவலாவது அனுப்பிவிடு – பாவம் என் தொலைபேசிகள்

நீ விரும்பி கேட்கும் பாடல்களை கேட்கும் பொழுது,

நீயும் கேட்டுக்கொண்டிருப்பதாய் நினைத்து புன்னகைத்துக்கொள்வேன்

என் அருகே இருந்து துடிக்கும் உன் இதயம்,

அந்த சத்ததையே தாலாட்டாய் கேட்டு உறங்கி விடுவேன்

எங்கே போனாய் என்னால் தூங்கவும் முடியவில்லை,

நீ என் அருகில் இல்லை என்பதை தாங்கவும் முடியவில்லை.

உன் இதயத்தை தான் எடுத்து சென்றுவிட்டாய்,

என் இதயத்தையாவது விட்டுச் செல்லக்கூடாதா.

என்னால் சுவாசிக்கவும் முடியவில்லையே.

நீரில்லாத மீனால் சுவாசிக்க இயலாது என்று உனக்கும் தெரியும்தானே